AM:01:25:29/11/2025
80 جار خوێندراوەتەوە
+
-
ئەلێگری رایگەیاند یارییەکەی لازیۆ قورسە
بەڵام دەتوانێت یارمەتیدەریانبێت لە گەیشتن بە ئامانجەکەیان.
ماسیمیلیانۆ ئەلێگری راهێنەری یانەی ئەی
سی میلان، پێش رووبەرووبوونەوەی لازیۆ دەڵێت: لازیۆ یانەیەکی بەهێزە و ڕاهێنەرێکی
باشی هەیە، بۆیە یارییەکە سەخت دەبێت.
دەشڵێت: سەرکەوتنی دێربی نایاب بوو، بەڵام
ئێستا ئەوە بووە بە رابردوو، ئەمە یارییەکی دیکەیە کە دەتوانێت یارمەتیدەرمان بێت
بۆ نزیکبوونەوە لە ئامانجەکەمان، لازیۆ لە دە ساڵی ڕابردوودا جامەکانی
بەدەستهێناوە و لە چامپیۆنزلیگ یاریی کردووە بۆیە یارییەکە قورسە.
باسی لەوەشکرد، بەدووری نازانرێت پولیسیچ
یاری بکات، هەرچەندە هێشتا کات بۆ یارییەکە ماوە و دەکرێت هەر شتێک رووبدا، بەڵام
دەمانەوێت بە هێواشی بگەڕێتەوە.
وتیشی: لیاو لەو یاریزانانەیە کە دەتوانێت
وەک هێرشبەری ناوەڕاست یاری بکات، دەتوانێت تۆپ کۆنترۆڵ بکات، لە ناو بۆکس و تۆپی هەواییش بەهێزە، بەڵام لە
پەرەسەندندایە و ئەوەی لە توانایدا هەیە پێشکەشی دەکات.