PM:11:58:28/11/2025
88 جار خوێندراوەتەوە
+
-
لە جامی شای سعودیە ئەهلی و قادسیە بە سێ گۆڵ یەکسانبوون بەڵام دوای لێدانە یەکلارەوەکان ئەهلی گەیشتە قۆناغی داهاتوو.
لە یارییەکی قۆناغی چارەکی کۆتایی جامی شای سعودیە، یانەکانه ئەهلی و قادسیە رووبەرووی یەکتر بوونەوە.
تایمی یەکەم، تا خولەکی 30 ریتمی یارییەکە لە سودی قادسیە بوو، توانیان لەو نێوانەدا دوو گۆڵ لە رێگەی ریتیگوی و کینیۆنیسەوە تۆماربکەن، بەڵام لە خولەکی 36 ئیڤان تۆنی بە لێدانی سزا ئەنجامەکەی بۆ ئەهلی کەمکردەوە.
قادسیە دەستی بە هێرشکردن کردەوە و لە کۆتاییەکانی نیوەی یەکەم لێدانی سزای بۆ هەژمارکرا و ریتیگوی گۆڵی سێیەمی یانەکەی پێ تۆمارکرد.
لە تایمی دووەم، ئەهلی بە تەواوی کۆنترۆڵی یاریگای کرد و لە خولەکەکانی 61 و 73 ئاتانگانا و کیسێ دوو گۆڵیان تۆمارکرد و ئەنجامەکەیان یەکسانکردەوە.
کاتی ئاسایی یارییەکە بە یەکسانبوون کۆتاییهات، راستەوخۆ چوونە لێدانە یەکلاکەرەوەکان، لە لێدانە یەکلاکەرەوەکانیش ئەهلی بە پێنج گۆڵ بەرامبەر بە چوار گۆڵ بردنەوەی بەدەستهێنا و گەیشتە قۆناغی پێش کۆتایی پاڵەوانێتییەکە.