PM:10:56:28/11/2025
84 جار خوێندراوەتەوە
+
-
ئینریکی ستایشی ڤیتینیا و کوینتنی کرد و
دوپاتیکردەوە کە یارییەکەیان بەرامبەر مۆناکۆ هاوشێوەی یارییەکی چامپیۆنز لیگ
دەبێت.
پێش رووبەرووبوونەوەی مۆناکۆ، لویس
ئینریکی راهێنەری پاریس سان جێرمان وتی: مۆناکۆ
خاوەنی کوالیتییەکی زۆری تاکەکەسییە، ئەوان زۆر باش یاری دەکەن و شێوازی
یاریکردنیانم بەدڵە،
ئەوان تیپێکن هاوشێوەی ئێمە، هیچ
یارییەکی ئاسانم لەبیر نییە لەنێو ئەو یارییانەی کە لە مۆناکۆ ئەنجاممانداوە، یارییەک دەبێت
لەسەر ئاستی چامپیۆنزلیگ.
وتیشی: بەرامبەر مۆناکۆ نونو مێندێس ئامادە
نابێت، پێمان باشە هیچ مەترسییەکی لەسەر دروست
نەکەین، لە کاتی یارییەکەی تۆتنهام لە نیوەی یەکەمدا باسی ئەم بابەتە
بچووکەی بۆ کردین کە کەمێک
ئازاری هەیە، بۆیە پێویستی بە چاکبوونەوە هەیە.
ئینریکی سەبارەت بە ڤیتینیا دەڵێت: زۆر باشە
بۆ من یاریزانێکم هەبێت کە توانای خۆی هەبێت، ئەو زۆر حەزی لە یاری تۆپی پێیە، زۆر
حەزی لەوەیە هەموو رۆژێک یاریی بکات، ڤیتینیا لە باشترینەکانی جیهانە.
وتیشی: کوینتن
زۆر باش بوو بەرامبەر
تۆتنهام، سیفەتی زۆری هەیە و دەتوانێت لە هەر شوێنێک یاری بکات، هەر
خولەکێک کە یاری دەکات خولەکێکە کە بەهایەکی زۆرم پێدەبەخشێت و هەڵسەنگاندنی بۆ
دەکەم، گرنگە بۆ تیپەکە کە بژاردەی جیاوازمان هەیە.