PM:08:36:28/11/2025
116 جار خوێندراوەتەوە
+
-
بەرازیل دەیەوێت پێش جامی جیهانی 2026
گرێبەستێکی نوێ لەگەڵ ئەنچیلۆتی واژۆبکات.
بە گوێرەی زانیارییەکانی ئی ئێس پی ئێن، یەکێتی
تۆپی پێی بەرازیل دڵخۆشە بەو کارانەی کارلۆ ئەنچیلۆتی راهێنەری هەڵبژاردەی سامبا
لەو ماوەیەی رابردوودا کردوویەتی.
یەکێتییەکە کار بۆ نوێکردنەوەی گرێبەستی
راهێنەرە ئیتاڵییەکە دەکات، گرێبەستی ئێستای ئەنچیلۆتی لە هاوینی 2026 کۆتاییدێت،
بەڵام بەرپرسانی وەرزشی وڵاتەکە دەیانەوێت گفتوگۆی نوێکردنەوەی گرێبەستەکە بکەن.
باسی لەوەشکردووە، گرێبەستە
نوێیەکەی ئەنچیلۆتی پشت بەو ئەنجامانە نابەستێت
کە بەڕازیل لە مۆندیالی
2026 بەدەستیدەهێنێت، بەڵکو دەیانەوێت پێش چەند مانگێک لە مۆندیال واژۆی
لەسەر بکەن.
ئەنچیلۆتی تەمەن 66 ساڵ، لەگەڵ هەڵبژاردەی
بەرازیل سەرپەرشی هەشت یاریی کردووە، هەڵبژاردەکە خاوەن چوار بردنەوە و دوو
یەکسانبوون و دوو شکستە، لەو ماوەیەدا 14 گۆڵیان تۆمارکردووە و پێنج گۆڵیان
لێکراوە.