PM:07:50:28/11/2025
84 جار خوێندراوەتەوە
+
-
ئینزاگی رایگەیاند رکابەرییەکی بەهێز لە
جامی سعودیە هەیە بەڵام یاریزانەکانی ئەرکەکانیان بە باشی دەزانن.
سیمیۆنی ئینزاگی راهێنەری یانەی هیلالی سعودی،
پێش یارییەکەیان بەرامبەر فەتح رایگەیاند، تیپەکەی لە دۆخێکی باشدایە و لەرووی
دەروونی و توانای جەستییەوە ئامادەن.
باسی لەوەشکرد یارییەکی قورسیان بەرامبەر
تیپێکی باش هەیە، بەڵام دەیانەوێت بە هەموو توانای خۆیانەوە بجەنگن لەپێناو بردنەوە
و گەیشتن بە قۆناغی داهاتووی جامەکە.
ئینزاگی دەشڵێت: رکابەرییەکی بەهێز لە
جامی سعودیە هەیە، ئێمە دەمانەوێت تەنیا سەرنجمان لەسەر ئەنجامی یارییەکانی
خۆمانبێت و دەزانین لەدەستدانی جام لەدەستدانی یەکێک لە ئامانجەکانمانە.
وتیشی: ئەوە مانای ئەوە نییە خۆمان بخەینە ژێر فشار و کاریگەری رۆژنامەکان، ئێمە بە باشی کاری خۆمان دەکەین
و یاریزانەکانیش ئەرکی خۆیان بەباشی دەزانن.