PM:06:38:28/11/2025
140 جار خوێندراوەتەوە
+
-
فلێک نەیشاردەوە کە یارییەکەی چێڵسی ورەی
دابەزاندوون بەڵام دەیانەوێت لە بەرامبەر ئالاڤێس سێ خاڵ بەدەستبهێنن.
بەر لە رووبەرووبوونەوەی ئالاڤێس، هانسی
فلێکی راهێنەری بەرشەلۆنە رایگەیاند، ئالاڤێس بەرگرییەکی باش دەکات و بە رۆحیەتەوە یاریی دەکەن، گۆڵکردن لێیان قورس
دەبێت، بەڵام پێیوایە
سەرکەوتوو دەبن.
فلێک وتیشی: ئاراوخۆ بەهۆی نەخۆشی گەدەوە
بەشداریی ناکات، بەڵام گرنگ ئەوەیە سێ خاڵەکە بەدەستبهێنین، فێرمینیش وتی ئازارم هەیە، رەنگە
هۆکارەکان سادەبن، وەک لەبەرکردنی پێڵاوی نوێ، بەڵام ئەوە تۆپی پێیە و دەبێت خۆمان
بگونجێنین.
دەشڵێت: یاریی چێڵسی کەمێک ورەی
یاریزانەکانی دابەزاندووە، چونکە پێمان وابوو دەتوانین بردنەوە بەدەستبهێنین، بەڵام
یارییەکەمان لەبیر کردووە و سەرنجمان لەسەر یاریی داهاتووە.
دوپاتیشیکردەوە، کەمێک زیاتر لە سێ هەفتە
پێش پشووی زستانە ماوە، ژمارەی یارییەکان زۆرن، هەموو وزەی من لەسەر ئەوە چڕ
بووەتەوە و بیرم لە بازاڕی زستانە نەکردووەتەوە.