PM:05:50:28/11/2025
136 جار خوێندراوەتەوە
+
-
لاپۆرتا رایگەیاند ریاڵ مەدرید نەخۆشی
بەرشەلۆنەی گرتووە و لێدوانەکانی پێرێز لە ئۆفسایدان و لە کەسی قبوڵ ناکەن هێرشبکاتە
سەر بەرشەلۆنە.
خوان لاپۆرتای سەرۆکی یانەی بەرشەلۆنە لە
لێدوانێکیدا وەڵامی لێدوانەکانی فلۆرینتینۆ پێرێزی سەرۆکی یانەی ریاڵ مەدریدی دایەوە
و رایگەیاند قسەکانی سەرۆکی یانەی ریاڵ مەدرید لە ئۆفسایدان.
لاپۆرتا وتی، ریاڵ مەدرید نەخۆشی
بەرشەلۆنەی گرتووە و بەردەوام وەسوەسەی ئێمەیان هەیە، ئەوەش دڵخۆشمان دەکات چونکە
بەو واتایە دێت کە ئەوان دەناڵێنن بە ناوهێنانی ناوی یانەکەی ئێمە.
وتیشی، بە هیچ شێوەیەک و لە هیچ کەسێکی
قبوڵ ناکەین هێرشبکاتە سەر یانەکەمان، دڵنیابوونەوە لەوەی کە دۆسیەی نێگرێرا هیچ
شتێکی هەڵەی تیادا نییە بەڵام ریاڵ مەدرید بەردەوام پاساو بۆ شکستەکانی دەهێنێتەوە
بە هێرشکردنە سەر ئێمە یان فشار خستنە سەر ناوبژیوانان.
دەشڵێت، هەرگیز بەرشەلۆنە ناوبژیوانی
نەکڕیوە و لەگەڵ یانەکەشمان نەبوون بەڵکو ئەوان چەندین جار لە بەرژەوەندی ریاڵ
مەدرید بڕیاریانداوە، ئەگەر بەو شێوەیە نەبوایە ئێستا ئێمە لە پێشەنگی ریزبەندی
خولی ئیسپانیدا بووین.
ئاماژەی بەوەشدا، بە هەموو شێوەیەک بەرگری
لە رۆناڵد ئاراوخۆ دەکەم و ئەو رەخنانەی لێی دەگیرێن دادپەروەرانە نین، هەموو شتێک
لە یاریگادا روودەدات، لەگەڵ فلێک گفتوگۆی کردووە و دڵنیان کاردانەوەی گەورەیان
دەبێت دوای ئەو شکستە.
لە کۆتاییشدا دوپاتیکردەوە، خافێر تیباسی
سەرۆکی رابیتەی لە لایگا پیاوێکی بەڕێزە و زۆر بە نایابانە کارەکانی دەکات، پەیوەندیەکی
ئاساییان هەیە لەگەڵیدا، ریاڵ مەدرید دەیەویت لە پۆستەکەی دووریبخاتەوە لە کاتێکدا
هەموو کاتێک لە بەرژەوەندی خولی ئیسپانیا کاری کردووە.
خ . ک