PM:05:21:28/11/2025
72 جار خوێندراوەتەوە
+
-
برایم دیاز لە ریاڵ مەدرید هەست بە
دڵتەنگی دەکات و میلانیش دەیەوێت بە خواستن بیگوازێتەوە.
رۆژنامەی لاگازێتا دیللۆ سپۆرت
بڵاویکردەوە، برایم دیازی ئەستێرەی مەغریبی بەهۆی ئەوەی کەمترین خولەک بەشداری
پێدەکرێت و لەلایەن چابی ئەلۆنسۆی راهێنەرەوە پشتگوێخراوە، هەست بە دڵخۆشی ناکات لە
ریاڵ مەدرید.
ئەو رۆژنامەیە دوپاتیکردووەتەوە، هێرشبەرە
مەغریبیەکە بیری لەوە کردووەتەوە کە ریزەکانی یانەی شاهانە جێبهێڵێت و بچێتە
یانەیەکی تر کە وەک یاریزانی سەرەکی یارییبکات تا بە باشترین شێوە ئامادەبێت بۆ
مۆندیال.
لاگازێتا ئاشکرایکردووە، لە ئێستادا یانەی
ئەی سی میلانی ئیتاڵی چاودێری بارودۆخی برایم دیاز دەکەن و بەنیازن لە مێرکاتۆی
زستانەدا بە خواستنی شەش مانگ بیگوازنەوە.
نوسیویەتی، بە دڵنیاییەوە ئەستێرە
مەغریبیەکە لاری نابێت لە چوون بۆ میلان چونکە پێشتر لەگەڵ ئەو یانەیە ئاستێکی
نایابی پێشکەش کردووە، لە ئێستاشدا یانەی ریاڵ مەدرید چاوەڕێی ئۆفەرمی فەرمی میلان
دەکات و تەنها بە خواستنیش ئامادەیە دەستبەرداری برایم دیاز ببێت.
خ . ک