PM:04:52:28/11/2025
152 جار خوێندراوەتەوە
+
-
مباپێ پاڵێوراوی یەکەمی خەڵاتی باڵۆن دۆرە
و هالاند و رایس لە پلەکانی دووەم و سێیەمدان.
پێگەی سکۆر 90 لە راپۆرتێکدا باسی لە یاریزانە
پاڵێواوەکان کرد بۆ بردنەوەی خەڵاتی باڵۆن دۆری ئەم وەرزە بە پێی ئاستی سەرجەم یاریزانەکان
کە تا ئەم ساتە پێشکەشیان کردووە.
بە پێی ئەو پێگەیە بێت کیلیان مباپێی
ئەستێرەی فەرەنسی و هێرشبەری یانەی ریاڵ مەدرید لە پێشەنگی ئەو یاریزانانەدا کە پاڵێوراون
بۆ بردنەوەی خەڵاتەکە کە لە ساڵی داهاتوودا دابەش دەکرێت.
مباپێ لەم وەرزەدا تا ئێستا بەشداری لە 18
یاریی ریاڵ مەدرید کردووە لەسەرجەم پاڵەوانێتییەکاندا، 22 گۆڵی تۆمارکردووە و سێ
ئەسیستی هەیە، لە پێشەنگی گۆڵکارانی خولی ئیسپانیا و چامپیۆنز لیگدایە.
ئەو پێگەیە ئاماژەی بەوەداوە، لە پلەی
دووەمی پاڵێوراوانی خەڵاتی باڵۆن دۆردا ئێرلینگ هالاندی نەرویجی و ئەستێرەی یانەی
مانچستەر سیتی دەبینرێت بەهۆی ئاستە بەرزەکەیەوە.
هەریەکە لە دیکلان رایسی ئەستێرەی ئارسناڵ
و هاری کەینی هێرشبەری بایرن میونشن لە پلەکانی سێیەم و چوارەمدان، لامین یاماڵی
یاریزانی بەرشەلۆنەش پاڵێوراوی پێنجەمە بۆ بردنەوەی خەڵاتی باڵۆن دۆر.
خ . ک