PM:04:14:28/11/2025
168 جار خوێندراوەتەوە
+
-
سبەینێ لە خولی ئیسپانیا بەرشەلۆنە
میوانداری ئالاڤێس دەکات و لە پریمەر لیگ مان سیتی یاریی هەیە و لە خولی ئەڵمانیا یاریی لوتکە بەڕێوەدەچێت.
یارییەکانی خولە ناوخۆییەکانی ئەوروپا
بەردەوامییان هەیە و سبەینێ لە هەفتەی 14ی خولی ئیسپانیا و لە کاتژمێر شەش و 15
خولەکدا، یانەی بەرشەلۆنە لە یاریگای سپۆتیفای کامپ نۆ میوانداری یانەی دیپۆرتیڤۆ
ئالاڤێس دەکات.
بەرشەلۆنە کە بە کۆکردنەوەی 31 خاڵ لە
پلەی دووەمی خولی ئیسپانیدایە دەیەوێت بە بردنەوەی ئەم یارییە بچێتە پێشەنگی
ریزبەندی ئەگەر بەشێوەیەکی کاتیش بێت، جگە لەوەش ئامانجی ئەوەیە بگەڕێتەوە سەر
سکەی بردنەوەکان و شکستی یارییەکەی چێڵسی لەبیر بکات.
لە کاتژمێر 11ەشدا، یانەی ئەتلەتیکۆ
مەدرید لە یاریگای خۆیدا میوانداری یانەی ریاڵ ئۆڤیدۆ دەکات، لیڤانتی و ئەتلەتیک
بلباویش لە یارییەکی تردا رووبەڕووی یەکدەبنەوە.
هەر سبەینێ بەڵام لە خولی ئینگلتەرا،
یانەی مانچستەر سیتی لەپێناو گەڕانەوە بۆ سەر سکەی بردنەوەکان لە یاریگای خۆیدا
میوانداری لیدز یونایتد دەکات، تۆتنهام و فولهام رووبەڕووی یەکدەبنەوە.
لە خولی ئەڵمانیاش، بایرن میونشن لە
یاریگای خۆیدا میوانداری سانت پاولی دەکات، لیڤەرکوزن و دۆرتمۆند یاریی لوتکە
دەکەن، لە خولی فەرەنسا پاریس سان جێرمان لە یارییەکی بەهێزدا دەبێتە میوانی
مۆناکۆ، لە خولی ئیتاڵیاش یۆڤانتۆس میوانداری کالیاری دەکات، ئەی سی میلان و
لازیۆش لە یاریی لوتکەدا رووبەڕووی یەکدەبنەوە.
خ . ک