مباپێ بە باشترین یاریزانی هەفتەی چامپیۆنز لیگ دیاریکرا

PM:03:49:28/11/2025

140 جار خوێندراوەتەوە

+ -

مباپێ بە باشترین یاریزانی هەفتەی چامپیۆنز لیگ دیاریکرا و ڤیتینیاش خەڵاتی جوانترین گۆڵی پێبەخشرا.

فیدراسیۆنی تۆپی پێی ئەوروپا لە پێگەی فەرمی خۆیان باشترینەکانی هەفتەی رابردووی چامپیۆنز لیگی دیاریکرد دوای ئەنجامدانی 18 یاریی لە جەولەی پێنجەمدا.

فیدراسیۆنەکە ئاشکرایکرد کە کیلیان مباپێی ئەستێرەی ریاڵ مەدرید بە باشترین یاریزانی هەفتەی چامپیۆنز دیاریکراوە دوای تۆمارکردنی چوار گۆڵ لە یانەی ئۆلمپیاکۆس.

ئەستێرە فەرەنسیەکە کێبڕکێی خەڵاتەکەی لە هەریەکە لە ڤیتینیای ناوەڕاستکاری پاریس سان جێرمان و ئۆبامیانگی هێرشبەری یانەی مارسیلیا و گیوراسی یاریزانی بروسیا دۆرتمۆند بردووەتەوە.

مباپێ لەم وەرزەی چامپیۆنز لیگدا تا ئێستا بەشداری پێنج یاریی ریاڵ مەدریدی کردووە و بە ئاستیکی بەرزەوە دەرکەوتوە بەهۆی ئەوەی توانیویەتی نۆ گۆڵ تۆماربکات.

فیدراسیۆنەکە بڵاویشیکردووەتەوە، خەڵاتی جوانترین گۆڵی هەفتە بە ڤیتینیای یاریزانی یانەی پاریس سان جێرمان دراوە، ڤینیسیۆسیش خەڵاتی جوانترین ئەسیستی پێدراوە.

خ . ک