PM:03:31:28/11/2025
124 جار خوێندراوەتەوە
+
-
رامۆس دەیەوێت ریزەکانی
مۆنتێری بەجێبهێڵێت بەڵام درێژە بە یاریکردنی دەدات و بڕیاری وازهێنان نادات.
سێرجیۆ رامۆس لە هاوینی
ساڵی رابردوو پەیوەندی بە ریزەکانی مۆنتێری مەکسیکییەوە کرد، لەو کاتەشەوە لەگەڵ
یانەکە 30 یاری ئەنجامداوە و تێیدا خاوەنی حەوت گۆڵە و ئاستێکی بەرزیش پێشکەش
دەکات.
بەڵام لە ئێستادا بەپێی
بڵاوکراوەیەکی ئێل چیرێنگیتۆ، ئەفسانە 39
ساڵانەکە سەرەڕای ئەوەی لە مەکسیک خۆشحاڵە بەڵام دەیەوێت ریزەکانی یانە
مەکسیکییەکە بەجێبهێڵێت لە کۆتایی وەرزی خولی ئەو وڵاتە بەبێ گوێدانە ئەوەی لە
پلەی ئۆفدا چی روودەدات.
پێگەکە باسی لەوشکردووە،
سەرەڕای جێهێشتنی یانەکەی ئێستای یاریزانەکەی پێشووی ریاڵ مەدرید و پاریس سان
جێرمان بیر لە وازهێنان لە یاریکردن ناکاتەوە، بەڵکو دەیەوێت لاپەڕەیەکی نوێ لە
ژیانی پیشەگەریدا هەڵبداتەوە و پەیوەندی بە یانەیەکی ترەوە بکات و بەردەوامبێت لە
یاریکردن.
رامۆس تا ئێستا 846 یاری
لەگەڵ یانەکانی سیڤییە و ریاڵ مەدرید و پاریس و مۆنتێری ئەنجامداوە، تێیدا خاوەنی
124 گۆڵ و 42 ئەسیستە، لەگەڵ هەڵبژاردەی ئیسپانیاش 180 یاری ئەنجامدا و 23 گۆڵی
تۆمارکرد.