PM:03:08:28/11/2025
128 جار خوێندراوەتەوە
+
-
ریاڵ مەدرید بە
لیڤەرپولی راگەیاندووە گرێبەست لەگەڵ کۆناتێ ناکات و یاریزانەکە ناگوازێتەوە
ریزەکانی.
لە ماوەی چەند مانگی
رابردوو بەردەوام باس لەوەکراوە ریاڵ مەدرید دەیەوێت گرێبەست لەگەڵ ئیبراهیما
کۆناتێی بەرگریکاری لیڤەرپوڵ بکات و خودی یاریزانەکەش خواستێکی زۆری هەیە بۆ
گواستنەوەی بۆ بێرنابیۆ.
لە ئێستاشدا باس
لەوەدەکرێت، یانە ئیسپانییەکە بڕیاری کۆتایی خۆی سەبارەت بە گواستنەوە و نەگواستنەوەی یاریزانەکە داوە و
بڕیارەکەشی بە کارگێڕی لیڤەرپوڵ راگەیاندووە.
دەیڤد ئۆرنشتاینی
رۆژنامەنووسی باسی لەوەکردووە، ریاڵ مەدرید بە رێدزی راگەیاندووە هەوڵی گواستنەوەی
کۆناتێ نادات و یاریزانەکە ناگوازێتەوە ریزەکانی.
ئەم پێشهاتەش
لەکاتێدایە، بەرگریکارە فەڕەنسییەکە لە کۆتایی ئەم وەرزە گرێبەستەکەی لەگەڵ رێدز
کۆتایی پێدێت و هێشتا پەڕاوی نوێکردنەوەی گرێبەستەکەشی لەسەر مێزی لیڤەرپوڵە و هیچ
بڕیارێکی فەرمی لەبارەیەوە نەدراوە.
کۆناتێ لە هاوینی ساڵی
2021 لە لایپزیکەوە پەیوەندی بە پاڵەوانی وەرزی پێشووی پریمەر لیگەوە کرد، تا
ئێستاش 150 یاری بە درێسی یانەکەوە ئەنجامداوە و تییدا خاوەنی شەش گۆڵ و چوار
ئەسیستە.