PM:02:38:28/11/2025
116 جار خوێندراوەتەوە
+
-
هەردوو یانە گەورەکەی
شاری مانچستەر هەوڵی گواستنەوەی ڤینی دەدەن بەڵام مان یو خواستی زیاترە.
تا ئێستا بارودۆخی
ڤینیسیۆس جونیۆر لە ریاڵ مەدرید بە نادیاری ماوەتەوە و نازانرێت ئایا داهاتووی
ئەستێرە بەڕازیلییەکە چی بەسەر دێت بە تایبەت پاش ئەوەی ئەم وەرزە لەلایەن
ئەڵۆنسۆی راهێنەرەوە خولەکەکانی یاریکردنی کەمکراوەتەوە و لە چەند یارییەکیش کراوە
بە یەدەگ.
لە ئێستاشدا ماڵپەڕی
کاوت ئۆفساید رایگەیاندووە، بەرپرسانی مانچستەر یونایتد پەیوەندیان بە نوێنەرانی
ڤینییەوە کردووە و دەیانەوێت لەدۆخی یاریزانەکە لە تیپەکەی ئەڵۆنسۆ و خواستی
یاریزانەکە تێبگەن، ئەگەر بیەوێت بێرنابیۆ بەجێبهێڵێت ئەوە دەستبەجێ هەوڵی
گواستنەوەی دەدەن.
پێگەکە باسی
لەوەشکردووە، مانچستەر سیتیش ئارەزووی گواستنەوەی یاریزانەکەی هەیە، بەڵام
هەنگاونانی دوادەخات بۆ ئەوکاتەی ڤینی بڕیاری کۆتایی دەدات.
ئەستێرە 25 ساڵانەکە ئەم
وەرزە ئاستی لەگەڵ ریاڵ مەدرید بەرز و نزمی زۆری بە خۆیەوە بینییوە بە جۆرێک لە
هەندێک یاریدا زۆر باشه و لە هەندێکی تر وەک پێویست نییە، ئەمەش نیگەرانی لەلای
بەرپرسانی یانەکە درووست کردووە، جیالەوەش باس لەوەدەکرێت کێشەی لەگەڵ ئەلۆنسۆی
راهێنەر هەیە.