PM:01:23:28/11/2025
84 جار خوێندراوەتەوە
+
-
دوو یاریی داهاتوو چارەنووسی سلۆت
دیارییدەکات و کلۆپ و ئینریکیش پاڵێوراون بۆ شوێنەکەی.
رۆژنامەی زە سەن بڵاویکردەوە، دوای
ئەنجامە خراپەکانی ئەم دواییەی یانەی لیڤەرپوڵ، ئەندامانی کارگێڕی ئەو یانەیە
کۆبونەوەیەن لەگەڵ ئارنی سلۆتی راهێنەر کرد.
زە سەن دوپاتیکردەوە، کە دوو یاریی
داهاتوویان بەرامبەر وێستهام یونایتد و سەندەرلاند لە پریمەر لیگ دیاریکراوە بۆ
ئارنی سلۆت و ئەگەر نەتوانیت لە هەردووکیاندا براوە بێت ئەوا لە راهێنەرایەتی
یانەکە دووردەخرێتەوە.
ئاماژەی بەوەشداوە، ئەو راهێنەرە متمانەی
سەرجەم یاریزانەکانی یانەکەی لەدەستداوە و ناتوانێت کۆنترۆڵی بارودۆخی ناو یانەکەی
بکات بەڵام یاریزانەکان لەناو خۆیاندا بڕیاریانداوە کە لە یاریی داهاتووەوە هەمو
شتێک بکەن لەپێناو بردنەوە و دەشیانەوێت پشتگیری تەواوی راهێنەرەکەیان بکەن.
دەشڵێت، هەموو یانەکە کۆکن لەسەر ئەوەی کە
گواستنەوەی ژمارەیەک یاریزانی زۆر کێشەی سەرەکی ئەنجامە خراپەکانی یانەکەیانە و
پێویست هەموو شتێک بکرێت لەپێناو ئەوەی کە سەرجەم کێشەکان چارەسەر بکرێن.
زە سەن نوسیویەتی، لە ئێستادا دوو راهێنەر
پاڵێوراون بۆ شوێنگرتنەوەی ئارنی سلۆت کە ئەوانیش یۆرگن کلۆپی ئەڵمانی و لویس
ئینریکی ئیسپانین، ئەوەش لە دوای دوو یاریی داهاتوو یەکلادەبێتەوە.
خ . ک