PM:12:51:28/11/2025
84 جار خوێندراوەتەوە
+
-
لە مەراسیمێکدا کە لە بێرنابیۆ بەڕێوەچوو کرووس لەلایەن سەرۆکی
ئەڵمانیاوە خەڵاتکرا.
لە مەراسیمێکدا کە لە یاریگای بێرنابیۆ بەڕێوەچوو، فرانک واڵتەر
شتاینمایەری سەرۆکی ئەڵمانیا نیشانەی شایستەیی کۆماری فیدراڵی ئەڵمانیای بە تۆنی
کرووسی ئەڵمانی و یاریزانی پێشووی ریاڵ مەدرید بەخشی.
لە مەراسیمەکەدا چەندین کەسایەتی و یاریزانی ریاڵ مەدرید هاوشانی
پێرێزی سەرۆکی یانەکە ئامادەیان هەبوو.
لە سەرەتادا شتاینمایەر لە وتارێکی کورتدا پێش پێشکەشکردنی مەدالیاکە،
کرۆسی بە پردێکی دۆستایەتی لەنێوان ئیسپانیا و ئەڵمانیا هەروەها ئەفسانەی زیندوو
وەسفکرد، باسی لەوەشکرد یاریزانەکەی پێشووی تۆپی پێ لەنێو یاریگا و دەرەوەی یاریگا
نموونەیەک بووە بۆ لاوەکان و چەندین کاری خێرخوازیشی کردووە لەڕێی دامەزراوەکەیەوە
لەماوەی 10 ساڵی رابردوو.
هەروەها کرووسی تەمەن 35 ساڵان بە کورتی باسی لە
وەرگرتنی میدالیاکە کرد وەک ئەزموونێکی زۆر تایبەت و وتی: نەک تەنها بەهۆی
خەڵاتەکەوە، بەڵکو بەهۆی ئەو شوێنەی کە خەڵاتەکەم لێ وەرگرتووە، ئەم ئەزموونە بۆ
من زۆر تایبەتە چونکە بێرنابیۆ بۆ ماوەی 10 ساڵ ماڵی من بوو.
براوەی مۆندیالی 2014 و ئەستێرە خۆشەویستەکەی
ریاڵ مەدرید ماوەی ساڵێکە لە یاریکردن دوورکەوتووەتەوە ئێستا لەگەڵ خێزانەکەی لە
نزیک مەدرید دەژین، شارێک کە بووەتە ماڵی دووەم بۆی بەهۆی ئەوەی ماوەیەکی زۆر لێی
ژیاوە و خێزانەکەی لێی نیشتەجێ بوون.