PM:12:22:28/11/2025
60 جار خوێندراوەتەوە
+
-
جێرارد دوپاتیکردەوە دۆخی لیڤەرپول بەرەو
قەیران دەڕوات و ئارنی سلۆتیش پێویستە چارەسەری کێشەکان بکات.
لیڤەرپول یەکێک لە خراپترین وەرزەکانی مێژووی
بەڕێدەکات و لە 12 یاری رابردووی خاوەنی نۆ شکستە، لە کۆتا سێ یاریشدا خاوەنی
تەنها یەک گۆڵە و 10 گۆڵیشی لەسەر تۆمارکراوە، ئەمەش وایکردووە هەمووان نیگەران
بکات و ستیڤن جێراردی ئەفسانەی پێشووی یانەکەش پێوایە دۆخی لیڤەر زۆر خراپە.
جێرارد لە لێدوانێکیدا بۆ تی ئێن تی سپۆرت
وتی: لەگەڵ هەموو شکستێکدا، بەتایبەتی کاتێک بەم شێوەیە ڕوودەدات، هەنگاوێک لە
بەکارهێنانی وشەی قەیران نزیک دەبینەوە، من ئەو دەستەواژەیەم بەدڵم نییە، چونکە
قەیرانی ڕاستەقینە کاتێکە کە یانەکە پێویستی بە ساڵانێکە بۆ ئەوەی بگەڕێتەوە بۆ ئەو شوێنەی کە پێشتر لێیبووە، پێموانییە
لیڤەرپوول لەو دۆخەدا بێت.
باسی لەوەشکرد، وشەی قەیران زیادەڕەوویە چونکە ئەم نەوەیەی لیڤەرپول
بوونەتە پاڵەوانی پریمەر لیگ، هەر لەبەر ئەوەش پێیوایە بێ رێزییە ئەگەر بووترێت
دۆخی یانەکە لە قەیراندایە، ئەگەر شەش مانگی داهاتوو هەمان دۆخ بوو دەکرێ ئەو
وشەیە بەکاربهێنرێت.
ئەفسانەکەی پێشووی رێدز هۆشداری دایە سلۆت و لە قسەکانیدا وتی: نکۆڵی
لەوە ناکرێت کە تیپەکە تووشی کێشەیەکی جددی بووەتەوە، ئەنجامەکان زۆر خراپن،
متمانە بەخۆبوون لە نزمترین ئاستدایە، ئەوان گۆڵی زۆریان لەسەر تۆماردەکرێت، زۆر
کراوە یاری دەکەن، ئەگەر ڕاهێنەر چارەسەر و سەقامگیری نەدۆزێتەوە، ئەوا ئەم دۆخە
بەردەوام دەبێت.