AM:10:40:28/11/2025
112 جار خوێندراوەتەوە
+
-
نیکۆ ویلیامز باس لە رەتکردنەوەی بەرشەلۆنە دەکات و دەڵیت بلباو هەموو شتێکی پێبەخشیووم.
نیکۆ ویلیامز لە مێرکاتۆی هاوینە یەکێک بوو
لەو ناوانەی زۆرترین دەنگۆی لەسەر بوو، بەشێک لە رۆژنامەکان باسیان لەوەدەکرد
نزیکە لە چوونی بۆ بەرشەلۆنە و تەنانەت ئامادەکاری بۆ گرێبەستەکە کردووە، بەشێکیش
تریش ناویان بە یانەکانی پریمەر لیگ دەبەستەوە.
بەڵام ئەوەی سەرنجڕاکێش بوو لە کۆتایدا
یاریزانەکە گرێبەستەکەی نوێکردەوە و بڕیاریدا تا ساڵی 2035 لەگەڵ ئەتلەتیک بلباو
بەردەوامبێت، بەرشەلۆنەش کە بەجددی ئەو یاریزانەی دەویست گرێبەستی لەگەڵ مارکۆس
راشفۆرد واژۆ کرد بە شێوەیەکی خواستن.
لە نوێترین چاوپێکەوتنیدا یاریزانە
ئیسپانییەکە باسی لە رەتکردنەوەی بەرشەلۆنە کردووە و تێیدا دەڵێت: بلباو بۆ من
هەموو شتێکە، من لێرە لە رووی کەسایەتی و کاروانی پیشەگەرییەوە گەورە بووم و
پێگەیشتم، نوێنەرایەتیکردنی ئەم یانەیە و ئەم شارە وای لێکردووم لە کاری پیشەگەری
تێبگەم، هەروەها چەندین وانەی ژیانی فێرکردووم.
ئەستێرە 23 ساڵانەکە لەم وەرزە ئاستێکی بەرزی
پێشکەش نەکردووە و لەکۆی 11 یاری و 690 خولەک یاریکردن و خاوەنی دوو گۆڵ و دوو ئەسیستە.