AM:09:01:28/11/2025
180 جار خوێندراوەتەوە
+
-
بەرشەلۆنە دەیەوێت لە مێرکاتۆکانی داهاتوو سێ
یاریزان بگوازێتەوە و ریزەکانی رێکبخاتەوە.
بەپێی زانیارییەکانی رۆژنامەی مۆندۆ
دیپۆرتیڤۆ، دیکۆی بەڕێوبەری وەرزشی یانەی بەرشەلۆنە لەگەڵ هانسی فلیکی راهێنەری
یانەکە لەسەر ئامانجەکانی تیپەکەیان لە مێرکاتۆ رێککەوتن و سێ یاریزان دەگوازنەوە.
رۆژنامەکە باسی لەوەکردووە، یانە کەتەلۆنییەکە
یاریزانێکی دڵی بەرگری و دوو یاریزانی هێرشبەر دانەیەک لە باڵ و دانەیەک لە نوکی
هێرشبەری دەگوازێتەوە ریزەکانی، وە بەنیازن ئەگەر یاسای یاری خاوێن رێگریان لێنەکات
لە مێرکاتۆی زستانە گرێبەست لەگەڵ بەرگریکارەکە بکەن.
مۆندۆ ئاماژەی بەوەشداوە ئامانجەکانی
بەرشەلۆنە بریتین لە، شلۆتێربێرک و ئیناسیۆ و مارک گێی و مۆرێیۆ، هەروەها خواستێکی
زۆریان هەیە گرێبەست لەگەڵ هاری کەین بکەن وەک هێرشبەری نوک و بیکەن بە جێگرەوەی
لیڤاندۆڤسکی.
یانە ئیسپانییەکە لەم وەرزە تا ئێستا لە پلەی
دووەمی خولی ئیسپانیا دێت بە جیاوازی گۆڵێک لە پاش ریاڵ مەدریدەوە، لە چامپیۆنز
لیگیش پاش تێپەڕبوونی پێنج هەفتە خاوەنی حەوت خاڵە و پلەی 18یەمی گرتووە، ئەمەش واتا
بەراورد بە وەرزی پێشوو ئاستی بەڕێژەیەکی بەرچاو دابەزییە.