PM:10:01:07/11/2025
344 جار خوێندراوەتەوە
+
-
خیسۆس رایگەیاند هەموو یانەکانی سعودیە سەنگ و قورسایی
خۆیان هەیە و دەیانەوێت بردنەوە بەدەستبهێنن بەرامبەر نیۆم.
خۆرخی خیسۆسی راهێنەری یانەی نەسری سعودی رایگەیاند،
دەیانەوێت یاریی لەدوای یاریی ئاستی بەرز پێشکەش بکەن و پێگەی خۆیان لە پلەی
یەکەمی ریزبەندی جێگیرتر بکەن.
ئاشکراشیکرد، ئاوڕ لە دواوە نادەنەوە، ئەزموونێکی زۆری
هەیە لە خولی سعودیە و دەزانێت کە خولەکە بەرەوپێش چووە و هەموو یانەکان سەنگ و
قورسایی خۆیان هەیە.
دوپاتیشیکردەوە، یانەی نیۆم یانەیەکی تازەیە لە خولەکە،
بەلام کۆمەڵێک گرێبەستی کردووە و ئەمەش وادەکات رووبەرووبوونەوەیان ئاسان نەبێت،
بە تایبەت لە یاریگای خۆیاندا.
دەشڵێت: کریستیانۆ رۆناڵدۆ لە یاریی رابردوو پێویستی بە
پشوو بوو، یاریزانەکانی دیکەش لە دۆخێکی تەندروستی باشدان و هیوادارین بە سێ
خاڵەوە لە یاریگای نیۆم بێینە دەرەوە.