PM:04:07:14/10/2025
112 جار خوێندراوەتەوە
+
-
بایرن میونشن پلانی گواستنەوەی برونۆ
فێرناندێز دادەڕێژێت و چاوەڕێی بڕیاری ئەو یاریزانە دەکات.
تۆڕی فیچاجێس بڵاویکردەوە، مانەوەی برونۆ
فێرناندێزی ئەستێرەی پۆرتوگالی لە یانەی مانچستەر یونایتد مسۆگەر نییە و لە
ئێستاشدا چەندین یانەی ئەوروپا و سعودیەکانیش چاودێری دەکەن.
تۆڕەکە ئاشكرایکردووە، بەرپرسانی یانەی
بایرن میونشنی ئەڵمانی گواستنەوەی ئەو یاریزانەیان کردووەتە ئامانج و پلانی
ئەوەیان داڕشتووە لە هاوینی 2026دا پەلکێشی بکەن.
دوپاتیکردووەتەوە کە یانە ئەڵمانیەکە لە
ئێستادا چاوەڕێی دوایین بڕیاری برونۆ فێرناندێز دەکات و ئەگەری نیازی جێهێشتنی شەیتانە
سوورەکانی هەبێت ئەوا ئۆفەرێکی 50 ملیۆن یۆرۆیی پێشکەشی یانە ئینگلیزیەکە دەکەن.
رونیشیکردووەتەوە، ڤینسینت کۆمپانی
راهێنەری بایرن میونشن دڵنیایە لەوەی کە ئەستێرە پۆرتوگالیەکە سوودێکی زۆری دەبێت بۆیان
و یارمەتیەکی زۆری هێڵی هێرشبردنیش دەدات.
برونۆ تا ئێستا 298 یاریی بە درێسی
مانچستەر یونایتدەوە ئەنجامداوە و 100 گۆڵی بۆ یانەکەی تۆمارکردووە و 86 ئەسیستی
هەیە، دوو نازناوی لەگەڵدا بەدەستهێناوە.
خ . ک