AM:11:06:06/10/2025
336 جار خوێندراوەتەوە
+
-
سانچێز رایگەیاند
خۆشەوسیتییەکی زۆری بۆ بەرشەلۆنە هەیە و ئاهەنگگێڕانی بەرامبەر ئەو یانەیە لە
دەرەوەی کۆنترۆڵی خۆی بوو.
ئەلێکسیس سانچێز یاریزانی سیڤییە، دوای بردنەوەیان لە بەرشەلۆنە بۆ
رۆژنامەی مارکا دەڵێت: پێیان وتم 10 ساڵە لەم یاریگایە بەرامبەر بەرشەلۆنە
سەرکەوتنمان بەدەست نەهێناوە، ئەوەش ماوەیەکی زۆرە.
وتیشی: ئێمە لێرە زۆر یاریمان نەبردۆتەوە، منیش تەنها مانگێکە لێرەم،
وە دڵخۆشم بەو ئەنجامە، هەمیشە ڕیکۆردم شکاندووە لە هەموو یانەیەک کە یاریم بۆ
کردووە، کاتێک یارییەکە کۆتایی دێت و دەبینیت یاریزانەکان و ئەوانەی لەسەر کورسی
یەدەگ چۆن ئاهەنگ دەگێڕن، بەڕاستی دیمەنێکی جوانە.
دەشڵێت: هەمیشە بەشداریم لە ئاهەنگەکانی
یاریگادا کردووە، بەڵام هەرگیز ئەزموونی ئەوانەم نەکردووە لەسەر کورسی یەدەگ
دانیشتبن، هەندێکجار تەنها دادەنیشم و چێژ لەو ساتەوەختە نایابە وەردەگرم.
سانچێز وتیشی: وتبووم بەرامبەر بەرشەلۆنە ئاهەنگ ناگێڕم، بەڵام
هەندێکجار دڵەڕاوکێ یان ئارەزووی بەهێز بەسەرمدا زاڵ دەبێت، ئەوە لەدەرەوەی
کۆنترۆڵی من بوو، ڕاستییەکەش ئەوەیە خۆشەویستییەکی زۆرم بۆ بەرشەلۆنە هەیە.