AM:09:53:06/10/2025
164 جار خوێندراوەتەوە
+
-
تودۆر نەیشاردەوە
ئەنجامەکەیان بەرامبەر میلان دادپەروەرانە بووە و ئەلێگری پێیوایە دەبێت زیاتر
یەکلاکەرەوە بن.
دوای یەکسانبوونی یاریی
نێوان یۆڤانتۆس و ئەی سی میلان راهێنەری هەردوولا قسەی خۆیان کرد.
لە سەرەتادا ئیگۆر
تودۆری راهێنەری خانمە پیرەکە وتی: ئەمە ئەو یارییە بوو کە چاوەڕێمان دەکرد، یارییەکی سەخت بوو
بەرامبەر تیپێکی بەهێز، دەمانویست بردنەوە بەدەستبهێنین بەڵام، لە کۆتاییدا
خاڵێكمان وەرگرت.
دەشڵێت: یەکسانبوون بەرامبەر میلان ئەنجامێکی دادپەروەرانە بوو،
تیپێکی رێکخراویان هەیە و توانای دورستکردنی گۆڕانکارییان هەیە، یاریزانەکانیان بە
ئەزموونن.
لە بەرامبەردا ماسیمیلیانۆ ئەلێگری راهێنەری رۆسۆسنێری وتی: لە تایمی
یەکەمدا بە هاوسەنگیی یارییمان کرد و لە تایمی دووەمدا باشتربووین، بەڵام تەنانەت
نەمزانی پۆلیسیچ چۆن لێدانە سزاکەی لەدەستدا.
جەختیشیکردەوە، لە تایمی دووەمدا لەڕووی جەستەییەوە پێگەیشتوو بوون و
هەلیان دروستکرد، بەڵام بەهۆی ئەوەی یۆڤانتۆس زاڵ بوو بەسەریاندا، پێویست بوو
یەکلاکەرەوەتر بن.
دوپاتیشیکردەوە، لیاو 45 ڕۆژە لە یاریگاکان دوورکەوتووەتەوە، بۆیە
هێشتا فۆرم و ڕیتمی خۆی نەدۆزیوەتەوە، هەوڵێکی زۆری داوە، بەڵام نەیتوانی گۆڵ
تۆمار بکات، ئێمە توانای هێرشبەری گەورەمان هەیە لەگەڵ ئەو و نکونکو و خیمێنیز.