PM:04:07:22/08/2025
164 جار خوێندراوەتەوە
+
-
سبەینێ لە خولی ئیسپانیا بەرشەلۆنە
رووبەڕووی لیڤانتی دەبێتەوە، وەرزێکی نوێی خولی ئیتاڵیاش دەستپێدەکات.
سبەینێ لە یارییەکانی هەفتەی دووەمی خولی
ئیسپانیا و لە کاتژمێر 10 و 30 خولەکدا، یانەی بەرشەلۆنە لە دەرەوەی یاریگای خۆی
دەبێتە میوانی یانەی لیڤانتی.
بەرشەلۆنە کە لە هەفتەی یەکەمدا بە
بردنەوە بەرامبەر ریاڵ مایۆرکا دەستپێکرد، دەیەوێت لەم یارییەشدا درێژە بدات بە
ئەنجامە باشەکەی و دووەم بردنەوەی بەدوای یەک بەدەستبهێنێت.
پێش ئەو یارییە و لە کاتژمێر هەشت و 30
خولەکدا، یانەی ئەتلەتیکۆ مەدرید لە یاریگای میترۆ پۆلیتانۆ رووبەڕووی یانەی ئێلچی
دەبێتەوە و دەیەوێت سێ خاڵی ئەو یارییە بەدەستبهێنێت دوای ئەوەی لە هەفتەی یەکەمدا
بە ئیسپانیۆل دۆڕا.
هەر سبەینی بەڵام لە دەستپێکی وەرزی نوێی
خولی ئیتاڵیا و لە هەفتەی یەکەمدا، یانەی ناپۆلی پاڵەوانی وەرزی رابردوو لە
دەرەوەی یاریگای خۆیدا رووبەڕووی یانەی ساسۆلۆ دەبێتەوە.
دواتریش، یانەی ئەی سی میلان بە
راهێنەرایەتی ماسیمیلیانۆ ئەلێگری لە سان سیرۆ میوانداری کریمۆنێسی دەکات، رۆماش
لە ئۆلمپیکۆ رووبەڕووی بۆلۆنیا دەبێتەوە.
خ . ک