PM:01:36:22/08/2025
128 جار خوێندراوەتەوە
+
-
گالاتەسەرای لە
هەوڵەکانی بۆ گواستنەوەی ئاکانجی و گۆندوگان و ئیدەرسۆن بەردەوامە.
یانەی گالاتەسەرای تورکی
لەم مێرکاتۆیەدا بە بەهێزی چووەتە کێبڕکێی گواستنەوەی یاریزانان بە جۆرێک، ڤیکتۆر
ئۆسیمین و لیرۆی سانێ و ئیسماعیل جاکۆبس و فرانکۆوسکی گواستووەتەوە، لە ئێستاشدا
چاوی لە گواستنەوەی سێ ئەستێرەی مانچستەر سیتییە.
بەپێی بڵاوکراوەیەکی
رۆژنامەی دەیلی مەیل، پاڵەوانی وەرزی رابردووی خولی تورکیا، لە ئێستادا هەوڵەکانی
بە چڕی دەستپێکردووە بۆ گواستنەوەی مانوێل ئاکانجی بەرگریکاری ستیزن و نزیکە لە
رێککەوتنی کۆتایی بۆ گواستنەوەی.
گالاتەسەرای جیالە
هەوڵەکانی بۆ بەرگریکارە سویسرییەکە کەبڕی 15 ملیۆن پاوەندی بۆ گرێبەستکردن
لەگەڵیدا ئامادەکردووە، پێشتر هەوڵەکانی بۆ گواستنەوەی ئێلکای گۆندوگان و ئیدەرسۆن
دەستپێکردووە و نزیکیشە لە یەکلاکردنەوەی گرێبەستی گۆڵچییە بەڕازیلییەکە.
یانە تورکییەکە دەیەوێت
وەرزێکی مێژووی دەستپێبکات و کێبڕکێ لە چامپیۆنز لیگ بکات هاوشانی یانە گەورەکان،
هەر ئەوەش وایکرد لە ماوەی رابردوو یەکێک لە گەورەترین گرێبەستەکانی مێژووی خولی
تورکیا بکەن بە گواستنەوەی ڤیکتۆر ئۆسیمینی نەیجری.