PM:08:21:21/08/2025
196 جار خوێندراوەتەوە
+
-
گالاس دوپاتیکردەوە
بردنەوەی چامپیۆنز لیگ یان پریمەر لیگیان لە ئارتێتا دەوێت و چیتر بیانوو نادۆزێتەوە
بۆ تیپەکەی.
ویلیام گالاسی کاپتنی پێشووی یانەی ئارسناڵ پێی وایە میکێل ئارتێتای
ڕاهێنەری گەنەرز هیچ بیانوویەک نادۆزێتەوە ئەگەر گەنەرز لەم وەرزەدا نازناوی
پریمەرلیگ لەدەست بدات.
گالاس لە لێدوانەکانیدا ئاماژەی بەوە کردووە، لیڤەرپوول بۆ دووەم وەرزی لەسەریەک
نزیکترین یانەیە لە
بردنەوەی نازناوەکە، بەڵام
تەنیا بردنەوەی نازناوێکی گەورە بە سەرکەوتن دادەنرێت
بۆ گەنەرز دوای چەندین ساڵ لە شکستی یەک لە دوای یەک.
گالاس دەشڵێت: دەمەوێت
یاریزانەکان ببینم زیاتر کاراکتەری خۆیان لەنێو یاریگا پیشانبدەن، هەریەکە لە گابریێل
و دیکلان رایس نمونەی باشن تاوەکو ئەوانیتر چاویان لێبکەن.
وتیشی: ئەگەر راستگۆبم
دوو ساڵە چاوەڕێی ئەوە دەکەم ئارسناڵ پریمەر لیگ بباتەوە، چونکە هەلی بەدەستهێنانی
نازناوەکەی هەبوو، بەو پێیەی تیپەکانی دیکە ئاستیان بەپێی پێویست نەبوو.
گالاس جەختیشیکردەوە، ئارتێتا
پێنج ساڵی دیکەی کات نییە، کاتێک باسی بردنەوەی نازناو دەکەن مەبەستیان جامی
کاراباو یان یەکێتی ئینگلتەرا نییە، بەڵکو چامپیۆنز لیگ یان پریمەر لیگیان دەوێت.