AM:09:43:26/04/2025
100 جار خوێندراوەتەوە
+
-
لە جامی مەدرید زڤیرێڤ و رۆبلێڤ گەیشتنە
قۆناغی سێیەم و هولگەر رۆن بەهۆی پێکانەوە کشایەوە.
لە یارییەکانی قۆناغی دووەمی جامی مەدرید
بۆ تێنسی سەرزەوی، ئەلیکساندەر زڤیرێڤی ئەڵمانی بەرامبەر باوتێستای ئیسپانی
یاریکرد.
لە سەرەتای یارییەکەوە، زڤیرێڤ بە ئاستێکی
نایابەوە دەستیپێکرد و سەرەنجام دوای یەک کاتژمێر و هەشت خولەک بە ئەنجامی دوو
کۆمەڵەی بێبەرامبەر یارییەکەی بردەوە، خاڵەکانی هەردوو کۆمەڵەکەش شەش بە دوو گێم
بوون.
لە یارییەکانی تریشدا، کاسپەر روودی
نەرویجی رووبەڕووی ئارسەری فەرەنسی بووەوە و بە دوو کۆمەڵەی بێبەرامبەر بردنەوەی
بەسەردا بەدەستهێنا.
دانێل مێدڤیدێڤ و ئەندریە رۆبلێڤ و کۆبۆلی
یارییەکانیان بە براوە بۆ ئەژمار کرا بەهۆی کشانەوەی بەرامبەرەکانیانەوە کە لاسلۆ
دگێری و گایل مۆنفیس و هولگەر رۆن بوون دوای ئەوەی تووشی پێکانبوون.
هەریەکە لە زڤیرێڤ و مێدڤیدێڤ و رۆبلێڤ و
کاسپەر روود و کۆبۆلی سەرکەوتنیان بۆ قۆناغی سێیەمی پاڵەوانێتیەکە مسۆگەر کرد،
هولگەر رۆن و باوتێستا و ئارسەر ماڵئاواییانکرد.
خ . ک