PM:03:02:20/04/2025
1104 جار خوێندراوەتەوە
+
-
شاندێکی بەرازیل گەیشتونەتە مەدرید لە
پێناو گفتوگۆکردن لەگەڵ ئەنچیلۆتی تا ببێتە راهێنەری هەڵبژاردەکەیان.
لە چەند رۆژی رابردوودا رۆژنامەکان
بەردەوام باسیان لەوە کردووە کە کۆتایی ئەم وەرزە کارلۆ ئەنچیلۆتی یانەی ریاڵ
مەدریدی ئیسپانی جێدەهێڵێت و ناوی چەند شوێنێکیش بە کاری داهاتوویەوە
بەستراوەتەوە.
لە نوێترین پێشهاتدا، فابریزیۆ رۆمانۆی
پەیامنێکی سکای سپۆرت رایگەیاند، یەکێتی تۆپی پێی بەرازیل سوورە لەسەر ئەوەی کارلۆ
ئەنچیلۆتی بکەنە راهێنەری هەڵبژاردەی وڵاتاکەیان.
فابریزیۆ ئاشکرایکرد، لە ئێستادا شاندێکی
یەکێتی تۆپی پێی بەرازیل گەشتیان بۆ مەدرید کردووە و دەیانەوێت لە نزیکەوە گفتوگۆ
لەگەڵ راهێنەرە ئیتاڵییەکە ئەنجامبدەن.
ئاماژەی بەوەشداوە، گفتوگۆکانی نێوان هەردوولا
بەردەوامی دەبێت و بە دڵنیاییەوە لە ماوەی تەنها یەک هەفتەدا ئەو بابەتە
یەکلادەبێتەوە کە ئایا رازی دەبێت راهێنەرایەتی هەڵبژاردەی سامپا وەربگرێت یان نا.
رونیشیکردووەتەوە، راهێنەرە ئیتاڵییەکە
بڕیاری کۆتاییداوە کە جێهێشتنی یانەی شاهانەیە لە کۆتایی ئەم وەرزەدا بەتایبەت
دوای ئەوەی رووبەڕووی رەخنەیەکی زۆر بووەوە دوای ماڵئاواییکردنیان لە چامپیۆنز
لیگ.
خ . ک