AM:10:02:14/04/2025
136 جار خوێندراوەتەوە
+
-
لە جامی مۆنتی کارلۆ ئەلکاراز لە مۆسێتی
بردوە و بۆ یەکەمجار نازناوەکەی بەدەستهێنا.
لە یاری کۆتایی جامی مۆنتی کارلۆ کە لە
فەرەنسا بەرێوەچوو، کارلۆس ئەلکارازی ئیسپانی رووبەڕووی لۆرینزۆ مۆسێتی ئیتاڵی
بووەوە.
لە سەرەتای یارییەکەوە مۆسێتی بە ئاستێکی
باشەوە بینرا و کۆمەڵەی یەکەمی بە ئەنجامی شەش بە سێ گێم لە سوودی خۆی کۆتایی
پێهێنا بەڵام ئەلکاراز بە بردنەوەی کۆمەڵەی دووەم ئەنجامەکەی یەکسانکردەوە.
لە کۆمەڵەی سێیەم و یەکلاکەرەوەدا، ئەلکاراز
ئاستێکی نایابی پێشکەشکرد و بە ئەنجامی شەش بە سفر گێم لە سوودی خۆی کۆتایی پێهێنا
و سەرەنجام دوای یەک کاتژمێر و 46 خولەک یارییەکەی بە دوو کۆمەڵە بەرامبەر
کۆمەڵەیەک بردەوە.
دوای ئەو ئەنجامە، ئەلکاراز بۆ یەکەمین
جار لە مێژوویدا توانی نازناوی پاڵەوانێتی مۆنتی کارلۆ بەدەستبهێنیت و یەکەم
نازناویشی بووە لە کۆتا 13 مانگدا.
جگە لەوە، ئەلکاراز بە تەمەنی 21 ساڵ و
337 رۆژ بووە بچوکترین یاریزان لە دوای ساڵی 2008ەوە بتوانێت ببێتە براوەی جامی
مۆنتی کارلۆ، پێشتر لەو ساڵەدا رافاێل نادال بووبووە پاڵەوان بە تەمەنی 21 ساڵ و
321 رۆژ.
خ . ک