AM:10:39:12/04/2025
112 جار خوێندراوەتەوە
+
-
لە باسکەی ئەوروپا بەرشەلۆنە بە جیاوازی
چوار خاڵ لە بۆڵۆنیای بردەوە و زڤیزدا بە باناسیناکۆس دۆڕا.
لە یارییەکانی هەفتەی 34ی خولی باسکەی
ئەوروپا، یانەی بەرشەلۆنەی ئیسپانی بەرامبەر یانەی بۆلۆنیای ئیتاڵی یاریکرد.
لە سەرەتای یاریەکەوە، یاریزانانی بەرشەلۆنە
بە ئاستێکی نایابەوە بینران و لە تایمەکانی یەکەم و دووەمدا بە جیاوازی حەوت خاڵ
پێشکەوتن.
هەرچەندە لە دوو تایمی کۆتاییدا،
یاریزانانی بۆلۆنیا هەوڵی گەڕانەوەی ئەنجامەکەیاندا بەڵام سەرکەوتوو نەبوون و
سەرەنجام یارییەکە بە ئەنجامی 91 بە 87 خاڵ لە سوودی بەرشەلۆنە کۆتاییهات.
لە هەمان هەفتە، یانەی باناسیناکۆسی
یۆنانی رووبەڕووی زڤیزدای سڕبی بووەوە و بە ئەنجامی 111 بە 104 خاڵ بردنەوەی
بەسەردا بەدەستهێنا، زالگرێس کاوناس بە ئەنادۆڵۆ دۆڕا.
دوای ئەو ئەنجامانە، یانەکانی باناسیناکۆس
و ئەنادۆڵۆ لە پلەکانی سێیەم و پێنجەمدا دەبینرێن و بەرشەلۆنە بە 54 خاڵ لە پلەی
شەشەمدایە.
خ . ک