AM:09:55:12/04/2025
84 جار خوێندراوەتەوە
+
-
لە جامی مۆنتی کارلۆ ئەلکاراز و مۆسێتی
گەیشتنە قۆناغی پێش کۆتایی و تیستیپاس ماڵئاواییکرد.
لە یارییەکانی قۆناغی چارەکی کۆتایی جامی مۆنتی
کارلۆ، کارلۆس ئەلکارازی ئیسپانی بەرامبەر ئارسەر فلێسی فەرەنسی یاریکرد.
لە کۆمەڵەی یەکەمدا، ئارسەر باشتر بینرا و
بە ئەنجامی شەش بە چوار گێم لە سوودی خۆی کۆتایی پێهێنا بەڵام ئەلکاراز بە
بردنەوەی کۆمەڵەی دووەم ئەنجامەکەی یەکسانکردەوە.
لە کۆمەڵەی سێیەم و یەکلاکەرەوەدا،
ئەلکاراز ئاستێکی نایابی پێشکەشکرد و بە ئەنجامی شەش بە سێ گێم لە سوودی خۆی
کۆتایی پێهێنا و سەرەنجام یارییەکەی بە دوو کۆمەڵە بەرامبەر کۆمەڵەیەک بردەوە و
گەیشتە قۆناغی پیش کۆتایی.
لە یارییەکانی تریشدا، ئەلیخاندرۆ داڤیدۆڤیچ
رووبەڕووی ئەلیکس بۆبرێن بووەوە و بە دوو کۆمەڵەی بێبەرامبەر یارییەکەی لێبردەوە و
بۆ رووبەڕووبونەوەی ئەلکاراز گەیشتە قۆناغی پێش کۆتایی.
هەریەکە لە ستیفانۆس تیستیپاس و گریگۆر
دیمیترۆڤ بەرامبەر لۆرینزۆ مۆسێتی و ئەلێکس دی مینۆر تووشێ شکستهاتن و ماڵئاواییان
لە پاڵەوانێتییەکە کرد.
خ . ک