PM:01:28:14/10/2021
1420 جار خوێندراوەتەوە
+
-
شەڕی ڕیاڵ مەدرید و بەرشەلۆنە بۆ دوو یاریزانی چێڵسی و میلان لە مێرکاتۆی
هاوینەدا دەستپێدەکات.
ڕۆژنامەى ئاسی ئیسپانی بڵاویکردەوە، لە مێرکاتۆی هاوینەدا ڕیاڵ مەدرید و بەرشەلۆنە ڕکابەری توند دەکەن بۆ
واژوو کردنی گرێبەست لەگەڵ ڕۆدیگێر لە چێڵسی و کیسێ لە میلان کە گرێبەستەکانیان لە هاوینی 2022 لەگەڵ
یانەکانیان کۆتایی دێت.
ئاس ئاشکرایکرد، بابەتی ڕۆدیگێر بۆ درێژکردنەوەى گرێبەستەکەى لەگەڵ چێڵسیدا
کۆتایی هاتووە و لە گواستنەوەى هاوینەدا بەرگریکارە ئەڵمانیەکە لە ستامفۆرد بریج
دەڕوات و ڕووی داهاتووی لە ئیسپانیا دەبێت و یەکێک لە یانەکانی ڕیاڵ مەدرید و
بەرشەلۆنە چانسی ئەوەیان دەبێت تواناکانی بەدەستبهێنن.
ڕۆژنامە ئیسپانیەکە سەبارەت بە کیسێی یاریزانی ئەى سی میلان نەیشاردەوە،
هەردوو یانە گەورەکەى ئیسپانیا شەڕی بەدەستهێنانی تواناکانی دەکەن و ئەوەى کێشە بۆ
ئەو دوو یانەیە ئیسپانیەکە درووستدەکات لە
مێرکاتۆی هاوینەدا، پاریس سان جێرمانە کە کار بۆ گواستنەوەى یاریزانەکەى میلان بۆ
باخچەى شازادەکان دەکات.