AM:10:50:14/10/2021
1028 جار خوێندراوەتەوە
+
-
لە چامپیۆنز لیگ ڕیاڵ مەدرید و پاریس سان جێرمان چێڵسی سەرکەوتنیان
تۆمارکرد.
لە جەولەى دووەمی قۆناغی کۆمەڵەکانی خولی یانەپاڵەوانەکانی ئەوروپا بۆ
ئاستی کچان و لە کۆمەڵەى دووەمدا، یانەى ڕیاڵ مەدرید لە پێگەى خۆی بە پێنج گۆڵی بێ
وەڵام گۆڵبارانی یانەى بریودابلیکی کرد و بە شەش خاڵ چووە پلەى دووەمی ڕیزبەندی
کۆمەڵەکەى.
پێنج گۆڵەکەى مەدرید هانسین بە تۆمارکردنی هاتریک لە خولەکەکانی شەش و 24 و
43 و ئۆڵگا لە خولەکی 48 و ناڤارۆ لە
خولەکی 89 تۆماریانکرد.
لە یارییەکی تریشدا، پاریس سان جێرمان بەهەمان ئەنجام لە یانەى زهانلبوودی
بردەوە و بەهەمان خاڵ و بە جیاوازی گۆڵ پارێزگاری لە پێشەنگی ڕیزبەندی کرد.
لە لایەکی ترەوە، چێڵسی لە دەرەوەى یاریگای خۆی بە دوو گۆڵ بەرامبەر گۆلێک
لە یۆڤانتۆسی بردەوە و بە چوار خاڵ لە پلەى دووەمی ڕیزبەندی کۆمەڵەی یەکەم
دەبینرێت.