PM:05:37:24/07/2021
1280 جار خوێندراوەتەوە
+
-
کوردێکی
رۆژهەڵاتی کوردستان میدالیای زێڕی ئۆڵیمپیادی تۆکیۆی بەدەستهێنا دوای ئەوەی لە یاریی
نیشانە شکێنیدا پلەی یەکەمی بەدەستهێنا.
جەواد
فروغی، یاریزانێکی کوردی خەڵکی شاری ئیلامی رۆژهەڵاتی کوردستانە و لەگەڵ هەڵبژاردەی
ئێران بەشداریی لە ئۆڵیمپیادی تۆکیۆ کردووە,.
ئەمڕۆ
لە ڕکابەرییەکانی یاریی نیشانە شکێنی هەوایی بە دەمانجە لە دووریی 10 مەتر، ئەو
یاریزانە کوردە توانیی پلەی یەکەمی ریزبەندی رکابەرییەکە بباتەوە و یەکەم میدالیای
بۆ ئێران لە ئۆڵمپیادی تۆکیۆ بەدەستهێنا.
یاریزانە
کوردەکە لە یارییەکەدا ریکۆردێکی نوێی ئۆڵمپی تۆمارکرد و توانیی 244.8 خاڵ کۆبکاتەوە
و توانی میدالیای زێڕی یارییەکە لە بەرژەوەندی خۆی یەکلابکاتەوە.
دەمیر
میکیچی سربیش پلەی دووەم و میدالیای زیوی بەدەستهێنا و پانگ وەی چینیش پلەی سێیەم
و میدالیای برۆنزی بۆ وڵاتەکەی بەدەستهێنا.
پێگەی فەرمی ئۆڵمپیاد لە تویتەر
نووسیوویەتی " دەستخۆشی لە جەواد فرۆغی دەکەین کە میدالیای زێڕی لە یاریی نیشانە شکێنی
هەوایی پیاواندا بردەوە و لە یەکەم دەرکەوتنیدا ریکۆردی ئۆڵمپی شکاند ".
ئێران
بە 66 یاریزان بەشداریی لە ئۆڵمپیادی تۆکیۆدا کردووە، یەکێک لەو یاریزانانەش جەواد
فرۆغییە کە خەڵکی شاری ئیلامە.