PM:01:33:30/09/2023
7156 جار خوێندراوەتەوە
+
-
درێسی میسی ژمارەیەکی پێوانەیی تۆمارکرد و
بووە پڕفرۆشترین لە خولی ئەمریکا.
خولی تۆپی پێی ئەمریکا لە راگەیەندراوێکی
فەرمیدا لیستی پڕفرۆشترین درێسەکانی یاریزانانی لە مانگی یەکی ئەمساڵە و تا 12ی مانگی
نۆ بڵاوکردەوە.
بە پێی لیستەکە، درێسی لیۆنێل میسی
ئەستێرەی ئەرجەنتینی کە تەنیا دوو مانگە پەیوەندی بە یانەی ئینتەر میامیەوە کردووە
بووەتە پڕفرۆشترین درێس لەنێو سەرجەم یاریزانانی خولەکە و لە پێشەنگی سەرجەم
یاریزانەکاندایە.
بە پێی راپۆرتەی خولەکە، بەدەستهێنانی
یەکەم نازناو لە مێژووی یانەی ئینتەر میامی لەلایەن لیۆنێل میسیەوە هۆکاری گەورە
بووە کە درێسی ئەو یاریزانە ببێتە پڕفرۆشترین لە خولەکەیاندا و هاندەران بە شێوازی
چڕ هەوڵی کڕینی بدەن.
میسی لە ریزبەندیەکەدا پێش هەریەکە لە
جواو کلاسی بەرازیلی و یاریزانی یانەی سانت لویس سیتی کەوت لەگەڵ هاری مۆختاری
ئەڵمانی ئەستێرەی یانەی ناشڤیل کە باشترین یاریزان و گۆڵکاری وەرزی رابردووی
خولەکەش بووە.
خ . ک
