ڤاران: لە هالاند ناترسین

PM:12:12:02/06/2023

492 جار خوێندراوەتەوە

+ -

ڤاران دوپاتیکردەوە ترسی لە هالاند نییە و لە توانایاندایە ببنە پاڵەوانی جامی یەکێتی ئینگلتەرا.

رافاێل ڤارانی فەرەنسی و بەرگریکاری یانەی مانچستەر یونایتدی ئینگلیزی لە چاوپێکەوتنێکیدا لەگەڵ رۆژنامەی دەیلی مەیل رایگەیاند، ئێرلینگ هالاندی یاریزانی مانچستەر سیتی ئاستێکی بەرزی پێشكەشک کردووە لەم وەرزەدا.

ڤاران دوپاتیکردەوە کە هیچ ترسێکی نییە لە هالاند و بە باشترین شێوە رووبەڕووی دەبێتەوە هەرچەندە ئەو یاریزانە لە هەموو یاریەکدا مەترسیە بۆ سەر تیپی بەرامبەر.

وتیشی: هەموو یاریەک ئاڵنگاریەکی نوێیە و منیش حەزم بەو جۆرە رووبەڕووبونەوانەیە، گرنگترین کار ئەوەیە کە متمانەت بە خۆت هەبێت ئەگەر تەنانەت تیپەکەشمان لە بارودۆخێکی خراپدا بێت و هەموو رێگەیەک لە پێناو بردنەوە بدۆزینەوە.

دەشڵێت، مانچستەر سیتی یانەیەکی بەهێزە و لە هەموو هێڵەکانیەوە مەترسی زۆری هەیە بەڵام ئێمە متمانەی تەواومان بە خۆمان هەیە و لە تواناماندایە بردنەوەیان بەسەردا بەدەستبهێنین و ببینە پاڵەوانی جامی یەکێتی ئینگلتەرا.

ئاماژەی بەوەشدا، کاتێک یاریزانی هێڵی بەرگریت دەبێت چاوەڕێی هەموو شتێک بکەیت لە یاریگادا بەتایبەت رووبەڕووبونەوەی هێرشبەری زۆر باش و کرانە دەرەوە و خراپی ئاست لە هەندێک یاریدا.

خ . ک