PM:07:03:31/05/2023
388 جار خوێندراوەتەوە
+
-
کاساس گۆڕانکاری لە پێکهاتەی
عێراقدا دەکات و چاودێری هەڵبژاردەی لاوانی کردووە و گرنگی بە یاریزانە
پیشەگەرەکانیش دەدات.
خیسۆس کاساسی راهێنەری
هەڵبژاردەی عێراق بە نیازە کۆبونەوەیەکی گرنگ لەگەڵ ستافی یاریدەدەری ئەنجامبدات
بەمەبەستی دیاریکردنی لیستی کۆتایی هەڵبژاردەکەی بۆ یاریە دۆستانەکان و
بەشداریکردن لە جامی ئاسیادا.
کاساس بە نیازە
گۆڕانکاری لە پێکهاتەی هەڵبژاردەی عێراقدا بکات بەشێوەیەک لە ئێستادا چەندین
بژاردەی جیاوازی لەبەردەستدایە بەهۆی بوونی دەرکەوتنی چەند بەهرەمەندێکی نوێ و
یاریزانە پیشەگەرەکان.
کاساس لە ماوەی
رابردوودا بە تایبەت لە کاتی یارییەکانی هەڵبژاردەی لاوانی عێراق لە جامی جیهانی
لاوان چاودێریەکی وردی یاریزانە لاوەکانی کردووە و سەرسام بووە بە ئاستی چەند
یاریزانێک کە گرنگترینیان یوسم ئەلئەمینی و ئەلیکساندەر ئۆراها و کازم رەعد و عەلی
جاسم.
لەلایەکی ترەوە ئەو
راهێنەرە لە ماوەی داهاتوودا بەتایبەت یاریە دۆستانەکان ژمارەیەک یاریزانی زۆر لە
خولەکانی ئەوروپا دەگەڕێنێتەوە تا بزانێت ئاستیان چۆنە بە نمونەش زیدان ئیقبال و پێشەنگ
عەبدوڵا و میرخاس دۆسکی و کیڤن یەعقوب و ئەمیر عەماری.
ز ن