PM:03:08:26/08/2021
5140 جار خوێندراوەتەوە
+
-
بایرن میونشن پارێزگارى لە پێشەنگى ڕیزبەندى یانەکانى ئەوروپا کرد و
مانچستەر سیتیش لە پلەى دووەمدایە.
یەکێتى تۆپى پێى ئەوروپا نوێترین ڕیزبەندى بەهێزترین یانەکانى کیشوەرەکەى بڵاوکردەوە
و بایرن میونشنى ئەڵمانى پاڵەوانى چامپۆنز لیگى 2020 بە کۆکردنەوەى 116 هەزار خاڵ
پێشەنگى ڕیزبەندیەکەى گرتووە و بەجیاوازى پێنج هەزار خاڵ لە پێش مانچستەر سیتى
ئینگلیزی پلەى دووەمەوەیە.
هەر یەکە لە لیڤەرپوڵى ئینگلیزى و بەرشەلۆنەى ئیسپانى و چێڵسى ئینگلیزى
بەدواییەکدا لە پلەکانى سێیەم و چوارەم و پێنجەمى ڕیزبەندیەکەدان.
لە پلەکانى شەشەم تا دەیەمى ڕیزبەندیەکەش، ڕیاڵ مەدریدى ئیسپانى و پاریس
سان جێرمانى فەڕەنسى و مانچستەر یونایتدى ئینگلیزى و یۆڤانتۆسى ئیتاڵى و ئەتلەتیکۆ
مدریدى ئیسپانى بەدواییەکدا دەبینرێن.
گ . ف