فەرمی... سەفین کانەبی و چوار ئەندامی یەکێتی تۆپی پێی کوردستان وازیان هێنا

فەرمی... سەفین کانەبی و چوار ئەندامی یەکێتی تۆپی پێی کوردستان وازیان هێنا
2021-03-02

483 جار خوێندراوەتەوە

+ -

سەفین کانەبی و چوار ئەندامی یەکێتی تۆپی پێی کوردستان دەستیان لە پۆستەکانیان کێشایەوە.

لە کۆنفرانسێکی ڕۆژنامەنوسیدا، سەفین کانەبی سەرۆکی یەکێتی تۆپی پێی کوردستان و چوار ئەندامی یەکێتیەکە دەستلەکارکێشانەوەیان لە پۆستەکانیان ڕاگەیاند.

چوار ئەندامەکەش بریتین لە سەلام حوسێن و دڵشاد ساڵح و سیروان نەجمەددین و قاسم ساڵح.

سەفین کانەبی ئاشکرایکرد کە چەند جارێک داوای دەستلەکارکێشانەوەم لە پۆستەکەم کردبوو بەڵام قبوڵ نەکراوە و ڕەتکراوەتەوە.

ڕاشیگەیاند: ویستمان بودجە بۆ یەکێتیەکەمان دابینبکرێت ئەو کات وازبهێنین لەبەرئەوەی نەڵێن کە یەکێتیەکە پارەی نەما  و وازیان هێنا لە پۆستەکانیان، بەڵام ئێستا یەکێتیەکە خاوەنی 509 ملیۆن دینارە و بەو خەزێنەیەوە جێیدەهێڵین.

وتیشی:  16 ساڵە ئێمە لێرە کار دەکەین، نەخۆش کەوتین و تەمەنیشـمان زۆر بوە لەبەرئەوە کاتی وازهێنانە.