ڤیدیۆ.. لە مۆندیالى تۆپى دەستدا سوید و فەڕەنسا و پورتوگال براوەبوون

ڤیدیۆ.. لە مۆندیالى تۆپى دەستدا سوید و فەڕەنسا و پورتوگال براوەبوون
2021-01-19

499 جار خوێندراوەتەوە

+ -

لە مۆندیالى تۆپى دەستدا، سوید بە جیاوازى تەنیا گۆڵێک لە میسڕى بردەوە و فەڕەنسا و پورتوگالیش سەرکەوتنیان مسۆگەرکرد.

لە جەولەى سێیەمى قۆناغى کۆمەڵەکانى جامى جیهانى تۆپى دەست، کە لە میسڕ بەڕێوەدەچێت، لە کۆمەڵەى حەوتەمدا، هەردوو هەڵبژاردەى سوید و میسڕ ڕووبەڕووى یەکبوونەوە.

لە یارییەکى دراماتیکیدا، سوید بە جیاوازى تەنیا گۆڵێک و بە ئەنجامى 24 گۆڵ بەرامبەر بە 23 گۆڵ یارییەکەى بردەوە، بەڵام هەردوو هەڵبژاردە سەرکەوتنیان بۆ قۆناغى داهاتوو مسۆگەرکردووە.

لە یارییەکى کۆمەڵەى پێنجەمیشدا، فەڕەنسا بە جیاوازى گۆڵێک و بە 25 گۆڵ بەرامبەر بە 24 گۆڵ لە سویسراى بردەوە و شانبەشانى پورتوگال سەرکەوتنیان بۆ قۆناغى داهاتوو بەدەستهێنا، کە ئەمیش لە کۆمەڵەى شەشەمدا بە جیاوازى حەوت گۆڵ و بە ئەنجامى 26 گۆڵ بەرامبەر بە 19 گۆڵ لە جەزائیرى بردەوە.

 

گ . ف