سەڵاح تۆپەکە دەخاتە یاریگاى لیڤەرپوڵەوە

2021-01-19

843 جار خوێندراوەتەوە

+ -

محەمەد سەڵاح ئاشکرایکرد داهاتووى لە دەستى لیڤەرپوڵدایە و ئەو دەیەوێت ماوەیەکى زۆر لە یانەکەیدا بمێنێتەوە.

لە چاوپێکەوتنێکدا لەگەڵ تى ڤى توى نەرویجى، محەمەد سەڵاحى میسڕى هێرشبەرى یانەى لیڤەرپوڵ تۆپەکە دەخاتە یاریگاى یانەکەیەوە و دووپاتیدەکاتەوە داهاتووى لە نێوان دەستەکانى لیڤەرپوڵدایە.

سەڵاح دەڵێت "گەر لە من دەپرسى ئەوا دەڵێم کە دەموێت لە یانەکەمدا بمێنمەوە بۆ درێژترین ماوە، بەڵام هەر وەک پێشتریش وتوومە کارەکە بەدەست یانەکەیە و من هەموو تواناى خۆم بەکاردەهێنم تا ئەو ساتەى لە یانەکەمدام، دەمەوێت بەپێى توانا هەموو نازناوەکان بەدەستبهێنم و هەموو تواناى خۆم پێشکەشى ئەو کەسانە بکەم، کە هەردەم خۆشەویستى خۆیان دووپاتدەکەنەوە".

سەڵاحى 28 ساڵ، لە 2017دا لە یانەى ڕۆماوە بە 36 ملیۆن و 900 هەزار پاوەند پەیوەندى بە ڕیدزەوە کرد و گرێبەستەکەى لە 2023دا تەواودەبێت، بەڵام یانەکەى لە ئێستادا تواناى نوێکردنەوەى گرێبەستى یاریزانەکانى نییە، بەهۆى قەیرانەکانى ڤایرۆسى کۆرۆناوە.

 

گ . ف