کۆنفرانسی رۆژنامەنوسی کومان پاش شکستی بەرشەلۆنە لە کلاسیکۆدا

کۆنفرانسی رۆژنامەنوسی کومان پاش شکستی بەرشەلۆنە لە کلاسیکۆدا
2020-10-24

4795 جار خوێندراوەتەوە

+ -

راهێنەری بەرشەلۆنە رەخنەى لە شێوازی بەکارهێنانی ڤار هەیە و پێشیوایە شایستەى شکست نەبون.

پاش دۆراندنی کلاسیکۆ، رۆناڵدۆ کومانی راهێنەری بەرشەلۆنە لەکۆنفرانسێکی رۆژنامەنوسیدا داواى کرد شێوازی بەکارهێنانی ڤاری بۆ رون بکرێتەوە.

ئاماژەى بەوەشدا کە تا ئێستا ڤار لە دژی یانەى بەرشەلۆنە کاری پێکراوە لەخولی ئیسپانیا.

پێشیوایە تیپەکەى یارییەکی باشی ئەنجامداوەو شایستەى ئەوە نەبون شکست بهێنن.

کومان سورە لەسەر بریاری بەشداری پێکردنی یاریزانە لاوەکان لە کلاسیکۆداو دوپاتیکردەوە کە ئەوان بەشێکن لە تیپەکەو پێویستە پشتیان پێ ببەستێت.

ئاشکراشیکرد کە خاڵی وەرچەرخانی یارییەکە دروستبونی لێدانە سزاکەبوو کە بەراى ئەو ناوبژیوان زیادەرەوی لە بریارەکەى کردووە.

 

بەشێک لە قسەکانی کومان

// تێنەگەیشتم لە بریاری ناوبژیوان لەسەر ڤار و لێدانەوەى دیمەنەکە

 

// لێدانە سزاکە نازانم چۆن سەیرکرایەوە، ڤار لە سودی ئێمە بەکار نەهات

 

// بریارەکانی ناوبژیوان زۆربەى کات دژی ئێمەن

 

// ئێمە شایستەى شکست نەبوین

 

// لە پێنج یاریی رابردو چەندین حاڵەتی وەک ئەوەى ریاڵ مەدرید بۆ ئێمە دروست بوو، وەک ئەوەى سیڤیلیە و خیتافی

 

// یاریزانە لاوەکان بەشێکن لەم تیپەو پێویستە پەرەیان پێ بدرێت

 

// پلانەکەمان کۆنترۆلی یارییەکە بوو، شوێنی یاریی کردنی میسیمان گۆڕی و پشتمان بە خیرایی فاتی بەست

 

// بەشداریکردنی گریزمان و دیمبلی بۆ باشتر کردنی هێرشبەرەکان بوو

 

// پێموایە یارییەکی باشمان ئەنجامدا

 

// هیوادارم رۆژێک یەکێک بۆم باس بکات ڤار چۆن لە ئیسپانیا بەکار دەهێنرێت

 

// سەرجەم بریارەکانی ڤار دژی بەرشەلۆنە بوون

 

// پێویستە ڤار باش بێت و یەکسان بێت بۆ هەموو یانەکان

 

// دەزانین کە گرتنێ رویدا لەنێوان لینگلیت و رامۆس ، بەڵام بەو جۆرە نەبوو کە رامۆس بخات

 

// کاتی لێدانە سزاکە زۆر خراپ بوو لەسەر ئێمە