بوتراگینیۆ: بەهۆى ستراتیجیەتى سەرۆکەوە ڕیاڵ بەسەر قەیرانى کۆرۆنادا سەرکەوتووبوو

بوتراگینیۆ: بەهۆى ستراتیجیەتى سەرۆکەوە ڕیاڵ بەسەر قەیرانى کۆرۆنادا سەرکەوتووبوو
2020-07-07

2558 جار خوێندراوەتەوە

+ -

بوتراگینیۆ پێیوایە بەهۆى ستراتیجیەتى پێرێزى سەرۆکەوە، ڕیاڵ مەدرید سەرکەوتووە بەسەر ماوەى قورسى ڤایرۆسى کۆرۆنادا.

لە کۆنفرانسى لوتکەى تۆپى جیهاندا، ئیمیلیۆ پوتراگینیۆى بەڕێوەبەرى پەیوەندییەکانى دامەزراوەى ڕیاڵ مەدریدى ئیسپانى ئاماژەى بەوە کرد، یانەکەیان تەمەنى ١١٨ ساڵە و بە چەندین کاتى قورسى ڕابردووى وەک شەڕى ناوخۆ تێپەڕیوە، کە کاریگەرى لەسەر دۆخى ئیسپانیا هەبوو و هەروەها بووەتە هۆى زنجیرەیەک لە قەیرانى دارایى.

پوتراگینیۆ پێیوایە لە دواى هەڵبژاردنى فلۆرنتینۆ پێرێز بە سەرۆکى ڕیاڵ مەدرید، چەند بنەمایەکى بەهێزى دارایى داناوە و دەڵێت "بەهۆى ئەو ستراتیجییە وەرزشى و ئابورییە بەهێزەوە توانیمان بەسەر ئەو ماوە قورسەدا سەربکەوین، لە کاتى ڤایرۆسى کۆرۆنادا".

پوتراگینیۆ باس لەوەش دەکات، کاتێک حکومەت بارى لەناکاوى ڕاگەیاندووە، ژیان لە ئیسپانیادا توشى شەلەل بووە، دواى ئەوەى هەموو شوتێک وەستا و لەنێوانیشیاندا تۆپى پێ، دەشڵێت "ئەو دۆخە بووە هۆى دابەزینى داهاتمان، بەڵام خێرا درکمان بەوە کرد دەبێت خۆمان لەگەڵیدا بگونجێنین و خەرجیەکانمان کەمبکەینەوە".

 

گ . ف

 

بوتراگینیۆ