PM:01:41:27/08/2025
124 جار خوێندراوەتەوە
+
-
ریاڵ مەدرید دەیەوێت لە ئێستاوە هەوڵ بۆ گواستنەوەی
ئۆبامیکانۆ بدەن لە بایرن میونشن و وەرزی داهاتوو پاش کۆتایی هاتنی گرێبەستەکەی
بیگوازنەوە.
یانەی ریاڵ مەدرید چاوییان لە گواستنەوەی ئەو
یاریزانانەیە کە ماوەی گرێبەستەکەیان کۆتایی هاتووە، چونکە بەوشێوەیە هیچ بڕە
پارەیەک لە کڕینی خەرج ناکەن.
تۆڕی سکای سپۆرت بڵاویکردووەتەوە مێرێنگی لە ئێستاوە
پلانیان داناوە هەوڵ بۆ کڕینی دایۆن ئۆبامیکانۆ بدەن لە بایرن میونشن.
سەرچاوەکە جەختی لەوەشکردووەتەوە کە پلانی یانەی شاهانە
بەجۆرێکە لە ساڵی داهاتوو پاش کۆتایی هاتنی ماوەی گرێبەستەکەی بەشێوەی خۆڕای
بیگوازنەوە ریزەکانیان.
تاوەکوو ئێستا هیچ گفتوگۆیەک لەنێوان ئۆبامیکانۆ و
بەرپرسانی بایرن ئەنجام نەدراوە سەبارەت بەدرێژکردنەوەی ماوەی گرێبەستەکەی
نێوانیان، ئەگەر بەم شێوەیە بەردەوامبێت ئەرکی ریاڵ مەدرید لە کۆتایی هێنان بەم
گواستنەوەیە قورس نابێت.
ئەستێرە فەڕەنسییەکە لەگەڵ یانە ئەڵمانییەکە بەشداری 154 یاریی کردووە و
لەوماوەیەدا توانیوێتی پێنج گۆڵ و 10 ئەسیست تۆماربکات.