AM:10:32:27/08/2025
104 جار خوێندراوەتەوە
+
-
رۆما بەردەوامە لە هەوڵەکانی بۆ گواستنەوەی سانچۆ بەڵام
مووچە بەرزەکەی وای کردووە تاوەکوو ئێستا ئەم گواستنەوەیە یەکلای نەبێتەوە.
لەسەرداوای جیان گاسپیرینی راهێنەر رۆما دەیانەوێت بۆ
وەرزی نوێ تیپێکی باش دروست بکەن بە ئومێدی ئەوەی بتوانن بگەرێنەوە بۆ
رکابەریکردنی نازناوەکان.
تۆڕی سکای سپۆرت بڵاویکردووەتەوە گاسپیرینی پێداگرە
لەسەر گواستنەوەی جادۆن سانچۆ و داوای لە بەرپرسانی یانەکەی کردووە پێش داخستنی
دەرگای گواستنەوەی یاریزانان ئەم گواستنەوەیە یەکلای بکەنەوە.
سەرچاوەکە جەختی لەوەشکردووەتەوە مان یونایتد ئامادەیە
ئەو هێرشبەرە بفرۆشێتە یانە ئیتاڵییەکە و یاریزانەکەش ئامادەیە ڕووبکاتە رۆما،
بەڵام بەمەرجێک ئەو مووچەیەی لە شەیتانە سورەکان وەری دەگرێت لە یانە نوێیەکەشی
وەریبگرێت، ئەمەش بووەتە هۆکاری سەرەکی یەکلانەکردنەوەی ئەم گواستنەوەیە تاوەکوو
ئێستا.
ئەستێرە ئینگلزییەکە لەگەڵ مانچستەر یونایتد بەشداری 83
یاریی کردووە و لەوماوەیەدا توانیوێتی 12 گۆڵ و شەش ئەسیست بۆ یانەکەی تۆماربکات.