PM:05:46:26/08/2025
172 جار خوێندراوەتەوە
+
-
چێڵسی یەکەمین ئۆفەریان پێشکەشی بەرشەلۆنە کردووە لە
پێناو گواستنەوەی فێرمین کە بڕەکەی پێکهاتووە لە 50 ملیۆن یۆرۆ.
بەرپرسانی یانەی چێڵسی لەپێناو زیاتر بەهێزکردنی هێڵی
ناوەراستیان بڕیاریانداوە یاریزانێکی نوێ بۆ ئەو پێگەیە بگوازنەوە ریزەکانیان.
رۆژنامەی سپۆرت بڵاوی کردووەتەوە بلوز ئۆفەری فەرمیان
پێشکەشی بەرشەلۆنە کردووە لەپێناو پێدانی فێرمین لۆپێز.
سەرچاوەکە جەختی لەوەکردووەتەوە کە ئۆفەرەکەی یانە
ئینگلزییەکە بۆ گواستنەوەی فێرمین بڕەکەی پێک دێت لە 50 ملیۆن یۆرۆ.
لەلایەکیترەوە ئەگەر بلەوگرانا ئامادەبن دەستبەرداری ئەو
یاریزانەیان ببن، ئەوا بەرێژەیەکی باش کێشە داراییەکانیان چارەسەر دەبێت و دەتوانن
ناوی سەرجەم یاریزانەکانیان تۆماربکەن.
ئەستێرە ئیسپانییەکە لەگەڵ تیپی یەکەمی یانە
کەتەلۆنییەکە بەشداری 89 یاریی کردووە و لەوماوەیەدا توانیوێتی 19 گۆڵ و 11 ئەسیست
تۆماربکات.