PM:02:14:26/08/2025
284 جار خوێندراوەتەوە
+
-
فلیک
لەلایەن رۆژنامەی بیڵدەوە بەباشترین راهێنەری جیهان دەستنیشانکرا و نهێنی مانەوەشی
لە بەرشەلۆنە درکاند.
لە
ئاهەنگی خەڵاتەکانی رۆژنامەی بیڵدی ئەڵمانی کە هەموو ساڵێک لە ژێر ناوی خەڵاتی
سپۆرت بیڵد بەڕێوە دەچێت، هانسی فلیکیراهێنەری
بەرشەلۆنە وەک باشترین راهێنەری ساڵ هەڵبژێردرا، ئەویش دوای ئەوەی وەرزی رابردوو توانی لەگەڵ یانەکە ببێتە پاڵەوانی لالیگا و جامی
شای ئیسپانیا، هەروەها گەیشتە قۆناغی پێش کۆتایی چامپیۆنزلیگ.
ئاهەنگەکە لە شاری هامبۆرگ بەڕێوەچوو، فلیک نەیتوانی
بەشداری بکات بەڵام بە شێوەیەکی راستەوخۆ پاش وەرگرتنی خەڵاتەکەی قسەی بۆ
ئامادەبووان کرد.
راهێنەرەکە پاش سوپاسکردنی بۆ بەدەستهێنانی خەڵاتەکە،
ئاماژەی بەوەکرد کارکردن لەگەڵ بەرشەلۆنە چێژبەخشە و وەک راهێنەرێک زۆر چێژ لەو
کارە وەردەگرێت.
جەختی لەسەر ئەوەشکردەوە، پەیوەندی رۆژانەی لەگەڵ
یاریزانەکان و هەستکردن بە پاڵپشتی ئەوان بۆ بەردەوامبوونی هەمیشە هاندەری بووە بۆ
مانەوەی لە بەرشەلۆنە.
ئەمە تاکە خەڵات نییە کە راهێنەرە ئەڵمانییەکە بەم
دواییە بەدەستی هێنابێت، پێشتر لە مانگی حوزەیرانی رابردوودا وەک باشترین راهێنەری
لالیگا بۆ وەرزی پێشوو دەستنیشانکرا، هەروەها بڕیارە لە مانگی داهاتوودا وەک
پاڵێوراوێک بۆ خەڵاتی یۆهان کرۆیف بەشداری لە ئاهەنگی تۆپی ئاڵتونیدا بکات، کە
دەبەخشرێتە باشترین راهێنەری جیهان.