AM:11:07:26/08/2025
160 جار خوێندراوەتەوە
+
-
سلۆت دوپاتیکردەوە بەرامبەر نیوکاسڵ یارییەکی
باشیان ئەنجامنەداوە و ستایشی نگۆما و ئیکیتیکێشی کرد.
پاش بردنەوەیان لە نیوکاسڵ، ئارنی سلۆتی
راهێنەری لیڤەرپول رایگەیاند، هێشتا دڵنیانیە بینەری یارییەکی تۆپی پێ بووە، هەموو
کاتێک یان لێدانی کۆڕنەر بووە یاخود لێدانی لا، هێرشبەرەکانی هەوڵیانداوە یارییەکە
بە لێدان و هێز تەواو بکەن، ئەوەش سەرنجراکێش نییە.
سەبارەت بە گۆڵەکەی نگۆما لە خولەکی 10ی کاتی
زیادکراو وتی: گۆڵەکەی بۆ یاریزانێکی
تەمەن 16 ساڵان گۆڵێکی خەیاڵی بوو، ریۆ متمانەیەکی زۆری بەخۆی هەیە، تەنانەت
هەندێک یاریزان لە ژووری جلگۆڕین دەیانگوت ئەگەر لە شوێنی ئەو بوونایە شتی
زیادەیان دەکرد، بەڵام ئەو متمانەی تەواوی بە خۆی هەبوو، توانیشی گۆڵ تۆماربکات.
سلۆت ئاماژەی بە لێدوانەکانی جەیمی کاراگەر دا کە پێش یارییەکە وتبووی لیڤەرپوول
کەسی لەسەر کورسی یەدەگ نییە لە تایمی دووەمدا یارییەکەیان بگۆڕێت و وتی: بیرمە جەیمی
پێش یارییەکە هەمان قسەی کردبوو، بەڵام بینیمان چۆن یاریزانە گەنجەکان یارییەکەیان
گۆڕی.
لەو ڕۆژانەی کە باسی گواستنەوەی ئەلێکساندەر ئیزاک بۆ ئەنفێڵد زۆر گەرم
بووە، راهێنەرەکەی ریدز پێی باش بوو سەرنجی لەسەر گۆڵکردنی هوگۆ ئیکتیکێ بێت و
ستایشی هێرشبەرەکەی کرد کە دووبارە سەرکەوتبووە لە گۆڵ تۆمارکردن.