ئەگەر هەیە یاریی کۆتایی جامی سوپەری سعودیە دووبارە بکرێتەوە

PM:06:36:25/08/2025

680 جار خوێندراوەتەوە

+ -

ئەگەر هەیە نازناوی جامی سوپەری سعودیە لە ئەهلی بسەندرێتەوە و نەسر یاریی کۆتایی دووبارە بکاتەوە.

یانەی ئەهلی نازناوی جامی سوپەری سعودیەی بەدەستهێنا، دوای بردنەوە لە نەسر بە لێدانی یەکلاکەرەوە، ئەمە دوای ئەوەی لەسەر حیسابی یانەی هیلال بەشداری لە پاڵەوانێتییەکە کرد، چونکە یانەکەی ریاز کشایەوە.

لیژنەی سزادانی سعودیە دوای کشانەوەی هیلال سزای یانەکەی دا، سزاکەش قەدەغەکردنیان بوو لە پاڵەوانێتیی وەرزی داهاتوو، هەروەها پێبژاردنی بڕە پارەیەک.

یەعقوب موتەیر، ڕاوێژکاری یاسایی سعودیە لە چاوپێکەوتنێکی تەلەفزیۆنیدا پشتڕاستی کردەوە، ئەگەری هەیە نازناوی جامی سوپەری سعودیە لە یانەی ئەهلیبسەندرێتەوە، ئەگەر نەسر سکاڵا تۆمار بکات.

دوپاتیشیکردووەتەوە، هێشتا بە تەواوی بریارەکانی لیژنەی سزادان دەرنەچووە، ئەگەر نەسر سکاڵا تۆماربکات، دەکرێت هیلال بە دۆراو هەژمار بکرێت و قادسیە سەربکەوێت بۆ یاریی کۆتایی.