PM:12:01:25/08/2025
140 جار خوێندراوەتەوە
+
-
نیوکاسڵ چاوەڕوانی لیڤەرپوڵ دەکات بۆئەوەی ئۆفەری نوێیان
بەمەبەستی گواستنەوەی ئیزاک پیشکەش بکەن.
پاش ئەوەی ئەلیکساندەر ئیزاک پێداگرە لە یاخی بوونی لە
یانەکەی بەجۆرێک ئامادەنییە بەشداری راهێنانەکانیش بکات، بەرپرسانی نیوکاسڵ
بیرییان لەوەکردوەتەوە ئەگەری دەستبەردابوون لێی تاوتیۆ بکەن.
رۆژنامەی زەسەن بڵاویکردووەتەوە کە نیوکاسڵ چاوەڕوانی
ئەوەن دووبارە لیڤەرپوڵ ئۆفەری فەرمیان بەمەبەستی کڕینی ئیزاک پێشکەش بکات.
سەرچاوەکە جەختی لەوەکردووەتەوە کە ئەگەر ریدز ئامادەبن
150 ملیۆن پاوەند پێشکەشی نیوکاسڵ بکەن، بەئەگەرێکی زۆرەوە هەردوو یانە دەگەنە
رێککەوتن سەبارەت بەم گواستنەوەیە.
تاکە یانە ئارەزووی کڕینی ئەم هێرشبەرەی هەیە لیڤەرپوڵە
و لەهەمان کاتدا ئەلیکساندەر ئیزاکیش بەتەواوی پڕۆژەی ئەو یانەیەی بەلاوە پەسەندە،
هەربۆیە ئەگەر زۆرە تاوەکوو سەرەتای هەفتەی داهاتوو بەتەواوی چارەنووسی ئەم
یاریزانە یەکلای ببێتەوە.
ئەستێرە سویدییەکە لەگەڵ یانە ئینگلیزییەکە بەشداری 109
یاریی کردووە و لەوماوەیەدا توانیوێتی 62 گۆڵ و 11 ئەسیست تۆماربکات.